Gjendja Civile

Shërbimi i gjendjes civile është shërbim unik shtetëror. Ky shërbim, ushtrohet si funksion i deleguar edhe nga organet e qeverisjes vendore. Ai plotëson, përditëson dhe administron Regjistrin Kombëtar të Gjendjes Civile, mban aktet e gjendjes civile, lëshon çertifikata, si dhe kryen shërbime të tjera, në përputhje me legjislacionin në fuqi.
Dokumentet bazë, që lëshon zyra e gjendjes civile, janë: a)  letërnjoftimi; b)  pasaporta; c)  çertifikata e lindjes; ç)  çertifikata martesore; d)  çertifikata e familjare; dh)  çertifikata e vdekjes.

  • DETYRAT

    1. Harton dhe mban regjistrin themeltar të shtetasve në territorin e Bashkisë Kukës;
    2. Regjistron aktet e lindjeve, martesave dhe të vdekjeve në librat përkatës;
    3. Lëshon çertifikata lindjeje dhe familjare, martese dhe vdekjeje;
    4. Kryen veprime të shërbimit të gjendjes civile, sipas përcaktimeve të bëra në ligj dhe në aktet nënligjore përkatëse;
    5. Plotëson detyrimet e përcaktuara në aktet ligjore e nënligjore, në lidhje me institucionet e tjera shtetërore dhe subjektet e interesuara;
    6. Informon këshillin dhe kryetarin e bashkisë lidhur me veprimtarinë e zyrës së gjendjes civile, sipas kërkesës ose periodikisht, sipas udhëzimeve përkatëse;
    7. Plotëson të gjitha detyrat që përcaktohen me akte të këshillit dhe të kryetarit të bashkisë, në përputhje me legjislacionin në fuqi.

  • SHËRBIMET

    • Marrja e aktit të lindjes dhe / ose vdekje;
    • Dhënia e çertifikatave për lindjen dhe / ose shërbimet funerale;
    • Ndryshimi i emrit apo mbiemrit;
    • Shpërngulja e të dhënave në një zyrë tjetër të Gjendjes Civile;
    • Dosjen e martesave;
    • Lëshimi i çertifikatave martesore;
    • Ofron çertifikata për bashkimin familjar ose ndarja.

  • DEKLARIMI I LINDJES

    Lindja e fëmijës deklarohet te nëpunësi i gjendjes civile nga prindërit, pjesëtarët madhorë të familjes, përfaqësuesit ligjorë ose kujdestarët, dhe, në pamundësi ose në mungesë të tyre, nga personat, që kanë të drejtë të vërtetojnë lindjen. Deklarimi mund të bëhet edhe nga përfaqësues të nënës, me prokurë të posaçme.
    Deklarimi i lindjes së fëmijës së gjetur, të cilit nuk i dihen prindërit, bëhet nga organet e njësisë së qeverisjes vendore, organi i rendit publik, në juridiksionin e të cilit ndodhet vendi i gjetjes, në bazë të procesverbalit të mbajtur në kohën e gjetjes së fëmijës.
    Për fëmijët e lindur jashtë territorit të Republikës së Shqipërisë nga shtetas shqiptarë, me banim të përhershëm në Shqipëri, regjistrimi i lindjes së fëmijës bëhet në përfaqësitë diplomatike ose konsullore shqiptare, në vendin ku ka lindur. Kur kjo është e pamundur, regjistrimi bëhet edhe në shërbimin e gjendjes civile të atij vendi.

    DEKLARIMI I VDEKJES

    Deklarimi i vdekjes bëhet nga çdo pjesëtar madhor i familjes ose nga personat më të  afërt të familjes dhe, në mungesë të tyre ose për personat pa njeri, nga i ngarkuari i posaçëm i bashkisës, në zyrën e gjendjes civile, ku shtetasi ka vendbanimin ose vendqëndrimin ose ku është gjetur kufoma. Deklarimet janë të vlefshme, kur shoqërohen me raport mjekësor. Deklarimi i vdekjes bëhet brenda 10 ditëve nga ndodhja ose gjetja e kufomës dhe brenda 60 ditëve, kur vdekja ka ndodhur jashtë shtetit. Moszbatimi I deklarimit të vdekjes përbën shkelje administrative dhe dënohet me gjobë në masën 3000 lekë.

    NDRYSHIMI I EMRIT DHE I MBIEMRIT

    Çdo shtetas mund të kërkojë ndryshimin e emrit ose të mbiemrit pranë zyrës së gjendjes civile ku ka vendbanimin. Kërkesa duhet të përmbajë arsyen/shkakun e ndryshimit të emrit/mbiemrit dhe emrin/mbiemrin e ri që kërkohet të merret. Kërkesa paraqitet personalisht mga kërkuesi në zyrën e gjendjen civile.
    Kërkesa shoqërohet nga dokumentet e mëposhtme:

    • vërtetimin e gjendjes gjyqësore
    • vërtetimin nga prokuroria se nuk është në ndjekje penale
    • vërtetimin nga gjykata se nuk është në proces gjyqësor
    • kopjen e letërnjoftimit
    • çertifikatën e lindjes dhe të përbërjes familjare
    • vërtetimin se nuk është marrë ndaj tij ndonjë urdhër dëbimi
    • vendimin gjyqësor, në rast të ndryshimit të merit apo mbiemrit në një vend tjetër.

     

    • KORRIGJIMI I EMRIT DHE MBIEMRIT

      Çdo person, që ka interes për të korrigjuar emrin/mbiemrin e vet, për shkak të një gabimi të provuar material, të bërë gjatë transkriptimit të akteve të gjendjes civile, mund të paraqesë kërkesë pranë zyrës së gjendjes civile
      Kërkesa shoqërohet nga dokumentet e mëposhtme:

      • kopje e aktit të lindjes
      • çdo dokument tjetër që provon gabimin

      TRANSFERIMI I TË DHËNAVE TË GJENDJES CIVILE

      Regjistrimi fillestar i vendbanimit/adresës së banesës, si dhe  ndryshimi i vendbanimit/adresës së banesës, si rregull, bëhet në zyrën e gjendjes civile që ka në juridiksion territorial vendbanimin apo banesën e deklaruar. Transferimi i të dhënave të gjendjeës civile, në një zyrë tjetër të gjendjes civile bëhet me kërkesën e kryefamiljarit, i cili paraqet pranë zyrës së gjendjes civile të vendbanimit të ri këto dokumenta:

      • kërkesën me shkrim për rregjistrim në vendbanimin e ri
      • dokumentin e pronësisë së banesës ose  kontratë qiramarrje
      • vërtetimin e lëshuar nga administrator i njësisë administrative, ku ai shprehet se shtetasi banon në njësinë administrative përkatëse.

      AKTI I MARTESËS

      Akti i martesës është proçesverbali i mbajtur nga nëpunësi i zyrës së gjendjes civile në bashki ku pasqyrohet vullneti i përbashkët i bashkëshortëve të ardhshëm. Akti i martesës nënshkruhet nga bashkëshortët, në prani të jo më pak se dy dëshmitarëve. Martesa lidhet kur nëpunësi i gjendjes civile vërteton, pasi ka përfunduar proçedura e shpalljes së martesës (dhjetë ditë), identitetin e secilit prej bashkëshortëve.
      Për lidhjen e martesës shetasi shqiptar duhet të paraqesë këto dokumenta:

      • çertifikatë lindjeje e lëshuar nga zyra e gjendjes civile, jo më pak se 15 ditë nga data në të cilën kërkohet të lidhet martesa, me shënimin për lidhje martese.
      • kartë identiteti

      Martesa e shtetasit të huaj ose e personit pa shtetësi, që banon jashtë shtetit ose është banues i përkohshëm në Republikën e Shqipërisë, me shtetas shqiptar lidhet sipas dokumenteve të shtetit, shtetas i të cilit është ose ku ka banimin e përhershëm, të lëshuar jo më parë se tre muaj nga data që kërkohet të lidhet martesa. Dokumentat legalizohen në përfaqësitë e Republikës së Shqipërisë jashtë shteti, ndërsa ato të lëshuara nga përfaqësitë e huaja të akredituara në Tiranë legalizohen në Ministrinë e Punëve të Jashtme të Shqipërisë.

      Taksa e akteve dhe e pullës që lëshon zyra e gjendjes civile është:

      50L

      Çertifikata e gjendjes civile

      2000L

      Regjistrimi i shtetësisë së marrë

      200L

      Çertifikata e lindjes në gjuhë të huaj

      100L

      Regjistrimi i emrit ose mbiemrit të ndryshuar

      200L

      Çertifikata e martesës në gjuhë të huaj

      100L

      Lidhjet martesore

       

      ligj_gjendjen_civile

Shpërndaj